Standardna oprema oba SUV modela uključuje poklopac motora i retrovizore od karbonskih vlakana, specijalne aluminijumske naplatke od 21 inča naprijed i 22 inča pozadi. Kupcima su takođe na raspolaganju dvije završne nijanse: mat Frozen Dark Silver i Frozen Marina Bay Blue.

U kabini ovih specijalnih izdanja se nalaze dvobojne kožne presvlake sa crnim umetcima od Alcantare i kontrastnim narandžastim šavovima. Identični šavovi jarke boje se nalaze oko instrument pokazivača i na oblogama vrata, dok su nasloni sjedišta izrađeni u jedinstvenoj Midnight Blue Alcantara nijansi.

BMW je takođe dodao nekoliko ukrasnih elemenata od karbonskih vlakana u kabine oba modela, a tu su i zamjenske kontrolne table i centralna konzola izrađena od lakih materijala. Kupci takođe dobijaju jedinstveni amblem First Edition na suvozačevoj strani table.

Oba SUV modela pokreće 4,4-litarski twin-turbo V8 agregat koji u Competition specifikaciji isporučuje 625 KS pri 750 Nm obrtnog momenta. Snaga se putem osmostepenog automatskog mjenjača prenosi na sva četiri točka, što omogućava sprint od nule do 100 km/h za oko četiri sekunde i razvija maksimalnu brzinu od 250 km/h.

Cijena BMW-a X5 M Competition First Edition će se kretati od 150.300 eura, a X6 od 153.570 eura po jednici. Prve isporuke oba modela ove jedinstvene serije se mogu očekivati na proljeće 2021. godine...