Naslovna > Vijesti > Stigla i na naše tržište

Opel Corsa F

Stigla i na naše tržište

Tri mjeseca nakon frankfurtske premijere, i kod nas je stigla nova, šesta generacija Opel Corse...

Kodna oznaka je F, a proporcije su drugačije u odnosu na ranije - automobil je niži, dinamičniji i ima više sportski izgled. Niži je za 48 mm, pozicija sjedišta spuštena za 28 mm, a dužina je približno isto kao kod prethodne generacije. Corsa je po prvi put dobila farove i sa IntelliLux Matrix LED tehnologijom.

 

Značajnije promjene su u unutrašnjosti novog modela. Moderniji je kokpit sa digitalnom instrument tablom i 7 inčnim ekranom multimedije (u osnovnoj verziji). Opciono, tu je i veliki ekran promjera 10 inča.

 

Ekonomičniji su i benzinski i dizel agregati u rasponu snage od 55 kW (75 ks) do 96 kW (130 ks).

 

Najlakša verzija modela nove generacije u odnosu na prethodnu generaciju je lakša za čak 108 kg. Masa peterovratne verzije bez vozača iznosi svega 980 kg.

 

Pored osnovne verzije Corsa, postoje još tri paketa opreme namijenjena različitim grupama kupaca.

 

  1. Corsa Edition dodaje najpopularnije dodatke
  2. Corsa Elegance opremljena je za maksimalnu udobnost
  3. Corsa GS Line kombinuje dodatne sportske elemente

 

Početna cijena osnovnog modela na našem tržištu će biti 12.490 evra, dok je za najskuplju verziju u GS Line paketu opreme sa motorom od 130 KS potrebno izdvojiti skoro 19.000 evra.
 

Datum objave: 11/12/2019
Komentarišite ovaj članak


Auto Shop Magazin

Facebook